حکومت پنجاب کا جماعت اسلامی کے گرفتار رہنماوں اور کارکنان کو رہا کرنے کا فیصلہ

ذرائع محکمہ داخلہ پنجاب کا بتانا ہے کہ جماعت اسلامی کے مقامی رہنماؤں اور ورکرز کی رہائی کا فیصلہ وفاقی حکومت کی سفارش پرکیاگیا۔ ذرائع محکمہ داخلہ کے مطابق جماعت اسلامی کے گرفتار  رہنماؤں اور کارکنوں کو آج رہا کر دیا جائے گا۔ واضح رہے کہ مہنگائی اور بجلی بلوں  میں ٹیکس کے خلاف جماعت اسلامی نے 26 تاریخ سے اسلام آباد میں دھرنے کا اعلان کیا تھا جس کے بعد پنجاب بھر میں جماعت اسلامی کےکارکنوں اور رہنماؤں کو گرفتار کیا گیا تھا اور پھر مذاکرات میں کارکنوں کی رہائی کا فیصلہ ہوا تھا۔ دوسری جانب جماعت اسلامی کا دھرنا راولپندی کے لیاقت باغ میں تاحال جاری ہے۔