حکومت کا عوام کیساتھ دوہرا رویہ، حکومتی عہدیداروں کی چاندی

صوبائی محتسب پنجاب دفتر کے لیے ایک درجن آئی فون 15 پرو میکس اور سام سنگ گلیکسی ایس 24 الٹرا مبلغ 76 لاکھ 87 ہزار روپے میں خریدے گئے ہیں۔ دوسری جانب پنجاب سمیت ملک بھر کے عوام مہنگی بجلی کی مد میں نہ سمجھ آنیوالے ٹیکسز میں ہوشربا اضافے پر پریشان دکھائی دیتے ہیں متعدد شہری اپنے گھر کی قیمتی اشیا بیچ کر حکومت کے عائد کردہ ٹیکسز اور بجلی کے بل ادا کر رہے ہیں وہیں ملک کے متعدد اداروں جن میں حاضر سروس اور ریٹائرڈ فوجی اور سول اہلکار شامل ہیں کو مراعات سے نوازا جا رہا ہے جس پر شہری شدید تشویش میں مبتلا ہیں۔ حکومت کے دوہرے رویے پر عوام سوشل میڈیا اور نجی محافل میں غم و غصے کا اظہار کرتے نظر آتے ہیں۔