اوکاڑہ یونیورسٹی انتظامیہ کی انوکھی منطق، ذمہ دار طلبا کیخلاف کارروائی کی بجائے ڈرون آپریٹر کیخلاف مقدمہ درج

 چند روز قبل اوکاڑہ یونیورسٹی میں غیر اخلاقی سرگرمیوں کی ویڈیوز اور تصاویر سوشل میڈیا پر وائرل ہوئیں جس سے یونیورسٹی میں زیر تعلیم طالبات انکے والدین اور سول سوسائٹی میں خوف وہراس پھیل گیا۔جس پر یونیورسٹی انتظامیہ نے کمیٹی تشکیل دی جس نے اس واقعہ کی تحقیقات کیں۔یونیورسٹی انتظامیہ کاکہناہے واقعہ یونیورسٹی اور انتظامیہ کو بدنام کرنے کی سازش ہے ،ایک طالبعلم علی رضا اور مس(س)،علی شان وغیرہ چند نامعلوم افراد کے ہمراہ بلا اجازت یونیورسٹی میں داخل ہوئے اورڈرون کیمرے کی مدد سے غیر اخلاقی ویڈیو زاور تصاویر بناکر انہیں سوشل میڈیا پر اپلوڈ کر دیا۔ ملزموں کا مقصد یونیورسٹی کی طالبات میں خوف و ہراس پھیلانا تھا۔ پولیس نے تفتیش شروع کر دی ہے۔دوسری جانب درسگاہ میں غیر اخلاقی سرگرمیاں کرنے والے طالب علم اور طالبہ کیخلاف تاحال کسی قسم کا ایکشن نہیں لیا جا سکا۔