پختونخوا کابینہ کا کے پی ہاوس اسلام آباد میں توڑ پھوڑ کا مقدمہ آئی جی کیخلاف درج کرانے کا فیصلہ

خیبر پختونخوا کابینہ نے کے پی ہاؤس اسلام آباد میں توڑ پھوڑ کا مقدمہ آئی جی اسلام آباد سمیت 600 اہلکاروں کے خلاف درج کرنےکا فیصلہ کیا ہے۔ذرائع کے مطابق مقدمے میں توڑ پھوڑ، چوری، دہشت گردی اور دیگر دفعات لگائی جائیں گی۔صوبائی کابینہ کے اجلاس میں پیش نقصانات کی رپورٹ میں بتایا گیا کہ کے پی ہاؤس اسلام آباد پر چھاپے کے دوران توڑ پھوڑ سے ایک کروڑ روپے سے زیادہ کا نقصان ہوا، وزیراعلیٰ کےپی اور اراکین اسمبلی کی قیمتی اشیاء بھی غائب ہیں۔یاد رہے کہ گزشتہ ماہ اسلام آباد کے ڈی چوک پر احتجاج کے دوران اسلام آباد پولیس نے کے پی ہاؤس پر  علی امین گنڈا پور کی گرفتاری کے لیے چھاپہ مارا تھا تاہم علی امین گنڈا پور  پولیس کے پہنچنے سے قبل ہی کے پی ہاؤس سے نکل گئے تھے