حکومت کی ناقص پالیسیوں اور منہ زور مہنگائی نے ہر طبقے کو مایوس کر دیا، حکومت حالات پر قابو پانے میں ناکام

فیصل آباد سمیت ملک بھر کے تاجر، صنعتکار اور مزدور طبقہ حکومت کی عجیب اور ناقص پالیسیوں کے خلاف سراپا احتجاج بن گئے ہیں بے جا ٹیکسز اور بجلی کی قیمتوں میں اضافے سے پریشان تاجروں نے حکومت سے ریلیف کا مطالبہ کیا ہے مگر حکومت کی جانب سے آئے روز بجلی اور پیٹرول کی قیمتیں بڑھائے جانا کسی طوفان کا پیش خیمہ ثابت ہو سکتے ہیں فیصل آباد کے انجمن آڑھتیاں غلہ منڈی نے دالوں کی امپورٹ اور ود ہولڈنگ ٹیکس کے خلاف پریس کانفرنس میں حکومت پر سخت تنقید کی ہے دوسری جانب گڈز ٹرانسپورٹ ایسوسی ایشن کی جانب سے پنجاب اور خیبر پختونخوا میں غیر معینہ مدت تک ہڑتال کا اعلان کر دیا گیا ہے مزدور طبقہ گذشتہ 4 سال سے زیر عتاب ہے پاور لومز سیکٹر سمیت فیصل آباد کی تمام صنعتوں کا قریب 65 فیصد یا تو بند ہو چکا ہے یا تو تاجروں نے اپنے سیٹ اپ بنگلہ دیش شفٹ کر لئے ہیں تاجر رہنماوں کا کہنا ہے یہی صورتحال رہی تو ملک میں خدانخواستہ خانہ جنگی کا خدشہ ہو سکتا ہے بڑھتی ہوئی مہنگائی اور بجلی کے بلوں نے متوسط طبقے کی کمر توڑ کر رکھ دی ہے اگر فیصل آباد سمیت پنجاب بھر میں کرائم کی صورتحال پر بات ہو تو اس شعبے میں پولیس ناکام دکھائی دے رہی ہے چوری ڈکیتی اور قتل کے واقعات معمول بنتے جا رہے ہیں پینے کا صاف پانی اور دیگر سہولیات ناپید ہیں جبکہ سب سے بڑا مسلہ مہنگائی اور بیروزگاری ہے جس پر حکومت کسی طرح سے قابو پانے میں ناکام ہے غیر یقینی صورتحال کے باعث سرمایہ کار اپنا پیسہ مارکیٹ سے اٹھا چکے ہیں مجموعی طور پر فیصل آباد سمیت ملک میں ہر طبقہ مایوسی کا شکار ہے حکومت کے دعوے اور وعدے محض خیالی ثابت ہو رہے ہیں