مریم نواز کی جانب سے مہنگائی کنٹرول کرنے کے سبھی دعوے خیالی ثابت ہونے لگے

محرم الحرام میں کھپت بڑھی تو چکن کی قیمت کو بھی پر لگ گئے۔فیصل آباد میں چکن کی قیمت میں دن بدن اضافہ ہونے لگا۔سرکاری نرخ نامہ کے مطابق چکن کی قیمت 552 روپے فی کلو تک پہنچ گئی ہے گزشتہ ایک روز میں 22 روپے جبکہ رواں ہفتہ کے دوران 98 روپے فی کلو اضافہ ہوا۔بڑھتی ہوئی قیمت کے سبب چکن عام آدمی دسترس سے باہر ہو گیا۔جبکہ حکومت کی جانب سے مہنگائی کنٹرول کرنے کے سبھی دعوے ہوا ہوتے دکھائی دے رہے ہیں مریم نواز کی جانب سے مہنگائی کم کرنے اور شہریوں کو ریلیف دینے کے دعوے کئے گئے تھے حقیقت میں صورتحال یکسر مختلف ہے۔