بھارتی اداکارہ شوہر سمیت اٹلی میں لٹ گئیں، مدد کی اپیل

بھارتی ٹیلی ویژن کی مقبول ترین اداکارہ دیویانکا ترپاٹھی اور ان کے شوہر وویک داہیا یورپ میں چھٹیاں منانے کے دوران ایک بڑی واردات کا شکار  ہو گئے۔بھارتی میڈیا کی رپورٹ کے مطابق دیویانکا ترپاٹھی اور وویک داہیا اپنی شادی کی آٹھویں سالگرہ منانے کے لیے گزشتہ دنوں اٹلی گئے تھے، دونوں کی جانب سے  انسٹاگرام پر اس خوبصورت سیاحتی سفر کی مختلف تصاویر اور ویڈیوز شیئر کیے جانے کا سلسلہ جاری تھا۔تاہم اب اس جوڑے نے انسٹا اسٹوری شیئر کرتے ہوئے بتایا کہ ان کا بیشتر قیمتی سامان ان کی گاڑی سے چوری ہوگیا ہے جس میں پاسپورٹ اور بینک کے کارڈز بھی شامل ہیں۔بھارتی جوڑے نے بھارتی سفارتخانے سے انکی وطن واپسی کے اقدامات کی اپیل کی ہے اداکارہ کا کہنا ہے کہ وہ دیار غیر میں مفلوج ہو کر رہ گئے ہیں انکے پاس اب کچھ بھی نہیں بچا۔