دنیا کے مشہور ترین سیاحتی مقامات بھی شدید گرمی کی لپیٹ میں

غیر ملکی میڈیا کے مطابق پیرس، اسپین، اٹلی، پرتگال، فرانس اور دیگر یورپی ممالک کے کئی شہر ان دنوں شدیدگرمی کی لپیٹ میں ہیں۔ بیشتر یورپی سیاحتی شہروں میں درجہ حرارت 40 ڈگری تک جانے او ر ہیٹ ویوکے امکانات ہیں جب کہ مصرکے مشہور سیاحتی مقام پردرجہ حرارت معمول سے 10 ڈگری زیادہ ریکارڈ ہوا ہے۔ رپورٹ میں بتایا گیا ہے کہ چند روز میں فرانس میں درجہ حرارت 34، اسپین میں41 اور اٹلی میں 38 ڈگری تک جاسکتاہے۔ رپورٹ کے مطابق آئندہ چند روز میں مصر میں درجہ حرارت 43 اور مراکش میں 40 ڈگری تک ہونے کا امکان ہے۔