فلور ملز ایسوسی ایشن کی ہڑتال جاری، آٹے کا بحران سر اٹھانے لگا

ملک بھر میں فلور ملز ایسوسی ایشن کی ہڑتال جاری ہے ہڑتال کے باعث اوپن مارکیٹ کے بعد اب چکی مالکان نے بھی آٹے کی قیمتیں بڑھا دی ہیں ملک میں آٹے کے بحران کا خدشہ سر اٹھانے لگا ہے۔چئیرمین فلور ملز ایسوسی ایشن شفیق انجم نے کہا ہے کہ چیئرمین ایف بی آر کے ساتھ مذاکرات ناکام ہو گئے ہیں۔ چیئرمین ایف بی آر امجد زبیر کے ساتھ زوم میٹنگ ہوئی تھی۔انہوں نے کہا کہ چیئرمین ایف بی آر نے ودہولڈنگ ٹیکس ختم کرنے سے انکار کر دیا جس پر ہم نے بتایا کہ مطالبات تسلیم ہونے تک ہڑتال جاری رکھیں گے زوم میٹنگ میں صوبائی وزیر اور سیکرٹری خوراک نے ہماری حمایت کی تھی مطالبات تسلیم نہ ہوئے تو آٹے کا بحران شدت اختیار کر جائے گا۔