اسلام آباد کے بچت بازار میں لگنے والی آگ سینکڑوں دکانیں خاک کر گئی

اسلام آباد کے ایچ نائن بچت بازار میں آگ لگنے سے 700 دکانیں جل گئیں۔اسلام آباد انتظامیہ کے مطابق آگ گارمنٹس سیکشن میں لگی جس نے برتنوں والے سیکشن کو بھی اپنی لپیٹ میں لے لیا۔انتظامیہ  نے بتایا کہ آگ کی اطلاع ملتے ہی فائر بریگیڈ کی گاڑیاں اور عملہ موقع پر پہنچ گیا اور 31 فائر بریگیڈز نے آگ بھجانے کے عمل میں حصہ لیا اور آگ پر قابو پایا۔وزیر داخلہ محسن نقوی نے آتشزدگی کے واقعے کی تحقیقات کا حکم دیتے ہوئے چیئرمین سی ڈی اے اور چیف کمشنر اسلام آباد سے رپورٹ طلب کرلی۔