جلسے میں خطاب کے دوران علی امین گنڈا پور کی صحافیوں کو دھمکیاں، خاتون صحافیوں کیخلاف نازیبا زبان استعمال کی

اپنے خطاب میں علی امین گنڈاپور نے اختلاف رائے رکھنے والے صحافیوں کو دھمکاتے ہوئے کہا کہ تم لوگ جو ہمارے خلاف کیمپین کر رہے ہو تم سمجھتے ہو کہ ہمیں بلیک میل کرلو گے۔علی امین گنڈاپور نے خاتون صحافیوں کیلئے  بھی نازیبا زبان استعمال کی اور صحافیوں کو دھمکاتے ہوئے کہا میں حریف صحافیوں کو ننگا کروں گا۔یاد رہے کہ اسلام آباد کے علاقے سنگجانی کی مویشی منڈی میں پاکستان تحریک انصاف کے جلسے سے وزیراعلیٰ کے پی علی امین گنڈاپور، چیئرمین پی ٹی آئی بیرسٹر گوہر، علی محمد خان، حماد اظہر، اپوزیشن اتحاد کے سربراہ محمود خان اچکزئی سمیت دیگر رہنماؤں نے بھی خطاب کیا۔جلسے سے خطاب میں علی امین گنڈاپور نے عمران خان کی رہائی کیلئے حکومت کو ڈیڈ لائن دیتے ہوئے کہا کہ ایک سے 2 ہفتے میں قانونی طور پر عمران خان رہا نہ ہوا تو ہم پھر انہیں خود رہا کریں گے