پاکستان سمیت مختلف ممالک میں عید میلاد النبی کا جشن، گلیاں اور بازار سج گئے

عید میلاد النبی ﷺ کی مناسبت سے  بنگلا دیش، عراق، مصر، لیبیا اور تیونس میں گلیاں کوچے سج گئے اور درود و سلام کی محفلوں کا اہتمام کیا جارہا ہے۔ادھر یمن میں ہزاروں افراد نے ریلی نکالی جب کہ غزہ میں اسرائیلی جارحیت کا شکار فلسطینی بھی نبی آخر الزماں کی محبت میں سرشار ہیں جنہوں نے غزہ میں پیغمبر اسلام کی آمد کا جشن منایا۔وزیر اعظم شہباز شریف، صدر آصف علی زرداری سمیت دیگر سیاسی و مذہبی شخصیات نے عوام الناس کو عید میلاد النبی کی مبارک دی۔اس کے علاوہ بھارتی وزیر اعظم نریندر مودی کی جانب سے بھی عید میلاد النبیﷺ کے موقع پر مبارک باد کا پیغام دیا گیا ہے۔اپنے مختصر پیغام میں نریندر مودی نے ہم آہنگی، اتحاد اور خوشحالی کی دعا بھی کی۔